QHT-lərin nəzərinə! Risklərin qiymətləndirilməsi ilə bağlı nümunə

Hörmətli QHT-lər,

Bildiyiniz kimi, QHT-lərdən Ədliyyə Nazirliyi Notariat, qeydiyyat və reyestr baş idarəsinə qeyri-hökumət təşkilatlarına nəzarət orqanı qismində nazirlik tərəfindən sahəvi risk qiymətləndirilməsinin həyata
keçirilməsi üçün institusional risk qiymətləndirilməsinin nəticələrinin qısa müddət ərzində Ədliyyə Nazirliyinə təqdim olunması xahiş olunmuşdur.

“Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanunun 21.7-ci maddəsinə əsasən qeyri-hökumət təşkilatları illik əsasla cinayət yolu ilə əldə edilmiş əmlakın leqallaşdırılması, terrorçuluğun maliyyələşdirilməsi, kütləvi qırğın silahlarının
yayılması və yayılmasının maliyyələşdirilməsi üzrə institusional riskləri müəyyən etməli, qiymətləndirməli, qiymətləndirmə nəticələrini sənədləşdirməli və nəzarət orqanına təqdim etməli, həmçinin rəhbərlik tərəfindən təsdiq edilən daxili qayda və prosedurlara uyğun olaraq risklərin idarə olunması, aradan qaldırılması və ya azaldılması üçün tədbirlər görməlidirlər.
Həmçinin qeyri-hökumət təşkilatları institusional risk qiymətləndirilməsi zamanı bütün risk faktorlarını, ölkə və sahəvi risk qiymətləndirilmələrinin nəticələrini nəzərə almalıdırlar.
Qeyd edilməlidir ki, sahəvi risk qiymətləndirilməsi prosesində nəzarət orqanları bütün risk faktorlarını, ölkə risk qiymətləndirilməsinin nəticələrini və nəzarət etdikləri şəxslər tərəfindən təqdim edilən institusional risk qiymətləndirilməsinin nəticələrini nəzərə almalıdırlar.

QHT-lərə tövsiyyə olaraq aşağıdakı nümunəni nəzərinizə çatdırırıq. Təbii ki, sənəddəki risk qiymətləndirmə nəticələri şərti xarakter daşıyır və QHT-lərin özləri tərəfindən risk səviyyəsi nəticəsi qiymətləndirilir. Həmçini sənədə məqbul bildiyiniz əlavə və düzəlişləri də edə bilərsiniz.

Nümunə ilə aşaöıda tanış ola bilərsiniz:

___________________________ İctimai Birliyi

İnstitusional Risk Qiymətləndirilməsi – Nəticələrin Hesabatı
Tarix: 10 Aprel 2025
Təqdim olunur: Azərbaycan Respublikası Ədliyyə Nazirliyi Notariat, qeydiyyat və reyestr baş idarəsinə

1. Giriş

İnstitusional risk qiymətləndirilməsi ____________________________ İctimai Birliyinin fəaliyyətində potensial risklərin vaxtında müəyyən edilməsi və onların azaldılması məqsədilə aparılmışdır. Qiymətləndirmə əsasən idarəetmə, maliyyə, hüquqi və fəaliyyət riskləri təhlil olunmuşdur.

2. Qiymətləndirmənin Məqsədi

Təşkilatın fəaliyyətində institusional davamlılığa mane ola biləcək risklərin müəyyən edilməsi;
Risklərin səviyyəsinin qiymətləndirilməsi (aşağı, orta, yüksək);
Tədbirlər planının hazırlanması.

3. Risk Kateqoriyaları və Nəticələr

Risk Kateqoriyası	Təsvir	Risk Səviyyəsi	Tövsiyə olunan tədbirlər
1. İdarəetmə Riski	İdarə Heyəti və struktur bölmələrin fəaliyyətində koordinasiya problemləri.	Orta	İllik strateji planların hazırlanması və struktur daxili hesabatlılığın artırılması.
2. Maliyyə Riski	Donor vəsaitlərinin düzgün uçotu və hesabatlılığı ilə bağlı potensial çətinliklər.	Orta	Maliyyə siyasəti sənədi yenilənməli, daxili audit həyata keçirilməlidir.
3. Hüquqi Risklər	Müqavilələrdə və layihə sənədlərində hüquqi qeyri-müəyyənliklər.	Aşağı	Hüquqşünas tərəfindən sənədlərin öncədən yoxlanılması sistemi tətbiq olunmalıdır.
4. Etibarlılıq və reputasiya riski	KİV-də yanlış məlumatların yayılması və ictimaiyyətlə zəif kommunikasiya.	Orta	Mətbuatla iş siyasəti hazırlanmalı və ictimaiyyətlə əlaqələr üzrə məsul şəxs təyin olunmalıdır.
5. İnsan resursları riski	Əsas vəzifəli şəxslərin dəyişkənliyi və işçi axını.	Aşağı	Motivasiya və inkişaf proqramları tətbiq olunmalıdır.
6. Layihə idarəçiliyi riski	Layihələrin icrasında gecikmələr və resurs çatışmazlığı.	Orta	Layihə idarəetməsi üzrə təlimlər keçirilməli, ehtiyat plan hazırlanmalıdır.

4. Ümumi Qiymətləndirmə

Hazırda _____________________ İctimai Birliyi üçün risk səviyyəsi “Orta” olaraq qiymətləndirilir. Müvafiq tədbirlər həyata keçirildiyi halda risklərin təsiri minimuma endirilə bilər.

5. Tövsiyələr